• Welcome to Bulland TV • A Multi Talent Hunt Audition on 27,28 & 29 Oct • Bulland Mini Films Promo • Dastan-E-Hunnar Promo
View Details << Back    

ਰੇਪ ਮਾਮਲੇ ‘ਚ ਤਰੁਣ ਤੇਜ਼ਪਾਲ ਖਿ਼ਲਾਫ਼ ਦੋਸ਼ ਹੋਏ ਤੈਅ

BULLAND TV BULLAND TV BULLAND TV
  

Share
  ਪਣਜੀ : ਗੋਆ ਵਿਚ ਸਾਲ 2013 ਵਿਚ ਸਾਹਮਣੇ ਆਏ ਇੱਕ ਮਸ਼ਹੂਰ ਕੇਸ ਵਿਚ ਅਦਾਲਤ ਨੇ ਮੁਲਜ਼ਮ ਦੇ ਖਿ਼ਲਾਫ਼ ਦੋਸ਼ ਤੈਅ ਕਰ ਦਿੱਤੇ ਹਨ, ਜਿਸ ਤੋਂ ਬਾਅਦ ਹੁਣ ਉਸ ਨੂੰ ਇਨ੍ਹਾਂ ਦੋਸ਼ਾਂ ਦੇ ਆਧਾਰ ‘ਤੇ ਸਜ਼ਾ ਸੁਣਾਈ ਜਾਵੇਗੀ। ਅਸਲ ਵਿਚ ਇਹ ਮਾਮਲਾ ਤਹਿਲਕਾ ਦੇ ਸਾਬਕਾ ਮੁੱਖ ਸੰਪਾਦਕ ਤਰੁਣ ਤੇਜ਼ਪਾਲ ਦਾ ਹੈ, ਜਿਸ ਨੇ ਆਪਣੀ ਹੀ ਸਹਿਕਰਮੀ ਦਾ ਇੱਕ ਹੋਟਲ ਦੀ ਲਿਫਟ ਵਿਚ ਯੌਨ ਸ਼ੋਸ਼ਣ ਕੀਤਾ ਸੀ।ਤਹਿਲਕਾ ਦੇ ਸਾਬਕਾ ਮੁੱਖ ਸੰਪਾਦਕ ਤਰੁਣ ਤੇਜ਼ਪਾਲ ਦੇ ਖਿ਼ਲਾਫ਼ ਉੱਤਰੀ ਗੋਆ ਦੇ ਮਾਪੁਸਾ ਸਥਿਤ ਅਦਾਲਤ ਨੇ ਵੀਰਵਾਰ ਨੂੰ ਦੋਸ਼ ਤੈਅ ਕੀਤੇ। ਉਨ੍ਹਾਂ ਦੇ ਖਿ਼ਲਾਫ਼ ਭਾਰਤੀ ਦੰਡ ਸੰਘਤਾ ਦੀ ਧਾਰਾ 376 (ਰੇਪ), 341, 342, 354ਏ, 354ਬੀ ਦੇ ਤਹਿਤ ਦੋਸ਼ ਤੈਅ ਕੀਤੇ ਗਏ।ਤੇਜ਼ਪਾਲ ਤਰੁਣ ‘ਤੇ ਆਪਣੀ ਜੂਨੀਅਰ ਸਹਿਕਰਮੀ ਦਾ ਲਿਫਟ ਵਿਚ ਯੌਨ ਸ਼ੋਸ਼ਣ ਕੀਤੇ ਜਾਣ ਦਾ ਦੋਸ਼ ਹੈ। ਚਾਰਜਸ਼ੀਟ ਦੀ ਕਾਪੀ ਤੇਜ਼ਪਾਲ ਨੂੰ ਸੌਂਪ ਦਿੱਤੀ ਗਈ ਹੈ। ਤਰੁਣ ਦੇ ਵਕੀਲ ਇੱਕ ਮਹੀਨੇ ਦਾ ਸਮਾਂ ਚਾਹੁੰਦੇ ਸਨ ਪਰ ਅਦਾਲਤ ਨੇ ਹੋਰ ਸਮਾਂ ਦੇਣ ਤੋਂ ਸਾਫ਼ ਮਨ੍ਹਾਂ ਕਰ ਦਿੱਤਾ।ਦੱਸ ਦੇਈਏ ਕਿ ਤਰੁਣ ਤੇਜ਼ਪਾਲ ਨੇ ਆਪਣੇ ਖਿ਼ਲਾਫ਼ ਹੇਠਲੀ ਅਦਾਲਤ ਵਿਚ ਚੱਲ ਰਹੇ ਟ੍ਰਾਇਲ ‘ਤੇ ਰੋਕ ਲਗਾਉਣ ਦੀ ਮੰਗ ਨੂੰ ਲੈ ਕੇ ਬੰਬੇ ਹਾਈ ਕੋਰਟ ਦਾ ਰੁਖ਼ ਕੀਤਾ ਸੀ। ਉਨ੍ਹਾਂ ਨੇ ਹੇਠਲੀ ਅਦਾਲਤ ਵਿਚ ਦੋਸ਼ ਤੈਅ ਕੀਤੇ ਜਾਣ ‘ਤੇ ਰੋਕ ਦੀ ਵੀ ਮੰਗ ਕੀਤੀ ਸੀ। ਹਾਈਕੋਰਟ ਨੇ ਹੇਠਲੀ ਅਦਾਲਤ ਵਿਚ ਦੋਸ਼ ਤੈਅ ਕਰਨ ‘ਤੇ ਰੋਕ ਲਗਾਉਣ ਦੀ ਮੰਗ ਖਾਰਜ ਕਰ ਦਿੱਤੀ।ਹਾਲਾਂਕਿ ਬੰਬੇ ਹਾਈ ਕੋਰਟ ਨੇ ਹੇਠਲੀ ਅਦਾਲਤ ਵਿਚ ਟ੍ਰਾਇਲ ‘ਤੇ ਰੋਕ ਲਗਾਉਣ ਦਾ ਆਦੇਸ਼ ਦਿੱਤਾ। ਅਦਾਲਤ ਨੇ ਨਿਰਦੇਸ਼ ਦਿੱਤਾ ਕਿ ਉਸ ਦੇ ਆਦੇਸ਼ ਤੋਂ ਬਾਅਦ ਹੀ ਟ੍ਰਾਇਲ ਸ਼ਰੂ ਹੋ ਸਕਦਾ ਹੈ। ਤਹਿਲਕਾ ਦੇ ਸਾਬਕਾ ਮੁੱਖ ਸੰਪਾਦਕ ਦੇ ਖਿ਼ਲਾਫ਼ ਇਹ ਮਾਮਲਾ 2013 ਦਾ ਹੈ, ਜਦੋਂ ਗੋਆ ਵਿਚ ਥਿੰਕ ਫੈਸਟ ਦੌਰਾਨ ਇੱਕ ਫਾਈਵ ਸਟਾਰ ਹੋਟਲ ਦੀ ਲਿਫਟ ਵਿਚ ਤਰੁਣ ਤੇਜ਼ਪਾਲ ਨੇ ਸਹਿਕਰਮੀ ਨੂੰ ਸੈਕਸ਼ੁਅਲੀ ਹਰਾਸ਼ ਕੀਤਾ ਸੀ।ਇਸ ਤੋਂ ਬਾਅਦ ਮਹਿਲਾ ਕਰਮਚਾਰੀ ਨੇ ਆਪਣੇ ਸੀਨੀਅਰਜ਼ ਨਾਲ ਇਸ ਘਟਨਾ ਦਾ ਜ਼ਿਕਰ ਕੀਤਾ ਸੀ ਅਤੇ ਮੀਡੀਆ ਵਿਚ ਪੀੜਤਾ, ਤੇਜ਼ਪਾਲ ਅਤੇ ਤਹਿਲਕਾ ਦੀ ਤਤਕਾਲੀਨ ਮੈਨੇਜਿੰਗ ਐਡੀਟਰ ਸ਼ੋਮਾ ਚੌਧਰੀ ਦੇ ਵਿਚਕਾਰ ਗੱਲਬਾਤ ਦੀ ਈਮੇਲ ਵੀ ਪਬਲਿਸ਼ ਹੋਈ ਸੀ।